Иван Тричковски и Даниел Мојсов со својот АЕК Ларнака славеа убедливо со 0-5 на гостувањето против Арис на чиј гол е македонскиот чувар на мрежата, Едо Нурединовски.
Од петте „парчиња“ во мрежата на Нурединовски две сервираше Иван Тричковски, на тој начин стигнувајќи во петтиот натпревар сезонава и до петтиот свој гол во кипарскиот шампионат. Тричковски најпрво го совлада Нурединовски во 29. минута за 0-2, а потоа и од пенал во 42. минута за 0-4 пред полувремето.
По оваа победа, АЕК Ларнака по седум кола со 13 бода е на втората позиција на табелата, додека Арис и Нурединовски ги чека тешка задача за опстанок, останувајќи со три бода на претпоследната позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
