Никола Митревски со стил го одигра последниот натпревар во дресот на Бенфика. Македонскиот репрезентативен голман влезе во игра на средината од првото полувреме и запиша 15 одбрани во градското дерби во кое Бенфика загуби од Спортинг со 25-23.
Спортинг Лисабон ја прослави шампионската титула, а Бенфика ја заврши сезоната на 3.место во португалското превенство, зад Спортинг и Порто.
Никола Митревски во 2015 година од Металург се пресели во Бенфика и во своето прво интернационално искуство, имаше две успешни сезони во португалскиот клуб. Наскоро ќе биде познато и која ќе биде следната клупска дестинација за голманот на македонската репрезентација. Неофицијално, Пелистер е заинтересиран да го врати Митревски во Битола, но во опција се и неколку понуди од странски клубови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
