Арсенал им се приклучи на фаворитите кои обезбедија пласман во четвртото коло од ФА Купот на Англија, откако „топчиите“ многу потешко од очекувањата триумфираа на гостувањето против Престон (1-2). Арсен Венгер се реши за експеримент со кој го остави речиси целиот прв тим надвор од составот, па така на клупата се најдоа повратникот Дени Велбек и уште неколку фудбалери од младинскиот погон на лондонскиот клуб.
Престон играше максимално ангажирано од самиот почеток, па веќе во шестата минута поведе преку Робинсон. Домаќините беа многу близу и до втор гол, но Монреал интервенираше пред самата гол-линија откако топлата веќе го мина голманот Оспина. Работите се променија во второто полувреме, откако Рамзи упати силен удар од работ на шеснаесетникот и израмни на 1-1 по неполни две минути игра. „Топчиите“ притиснаа, а офанзивата им вроди со плод во 89. минута, кога Жиру одлично се снајде и постигна уште еден значаен гол за својот клуб, продолжувајќи ја извонредната јануарска серија.
Callum Robinson Goal HD – Preston North End 1-0… by Sport-L
Aaron Ramsey Goal HD – Preston North End 1-1… by Donato-
Olivier Giroud Goal HD – Preston 1-2 Arsenal 07… by gashieliesaa
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
