Ѕвездата на Торонто Репторс, Кавај Ленард е најдобриот кошаркар во плеј-офот во НБА лигата, забележувајќи просечно 31,2 поени, 8,8 скока и 3,8 асистенции. Ленард го водеше тимот од Канада до историско прво финале во најсилната кошаркарска лига во светот.
И покрај одличната игра и пласманот и освојувањето на конференциската титула, сепак цела сезона се шпекулира дека Ленард на крајот ќе го напушти Торонто и ќе премине во редовите на ЛА Лејкерс. Поради тоа фановите на „Репторси“ на секаков начин гледаат да го задржат Кавај во Канада. Главниот оперативец на компанијата која се занимава со некретнини „The Condo Store Realty Incu“, на Ленард му нуди стан вреден милион долари, ако остане во Торонто.
„Сакаме да направиме се што можеме нашиот МВП да остане во Торонто, каде е почитуван и сакан. Нема подобар начин да покажеме колку сме посветени на таа цел. Сакаме да му овозможиме да остане во една од најпосакуваните резиденции во Торонто“, изјави Симон Мас.
Покрај бесплатниот стан, локалните ресторани во Торонто на Ленард му нудат бесплатни оброци до крајот на животот ако тој го продолжи договорот со „Репторс“.
Торонто првото финале во историјата на франшизата ќе го почне на домашен терен во ноќта меѓу четврток и петок.
Kawhi Leonard was offered a free multi-million dollar penthouse if he stays in Toronto ?https://t.co/qwwFv6XtqB pic.twitter.com/uwYIXCKOxn
— Complex Sports (@ComplexSports) May 22, 2019
Anyone can offer a free burger for “Ka’wine & Dine,” but a very special player requires a special gesture. With that, Beyond Law is proud to offer Kawhi Leonard and his family free legal services for life if he re-signs with the Raptors. Help us get the word out! #kawineanddine pic.twitter.com/iyiVJSGXnh
— Beyond Law (@BeyondLawLLP) May 21, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА