Екипите на Брајтон и на Борнмут не се откажуваат од трката за место во ЛШ, стигнувајќи до нови победи во рамките од 36. коло од Премиер-лигата. Најдобрите пет екипи во Англија имаат загарантирано место во ЛШ, но пласман во елитата може да обезбеди и шестиот во Премиер-лигата, ако Астон Вила заврши петта во Англија, но истовремено и го освои трофејот во Лигата на Европа.
Борнмут моментно е на шестото место со 55 бода, четири помалку од Ливерпул и три од Астон Вила (Вила има и меч помалку) откако тимот на Ираола попладнево како гостин го совлада Фулам со 0-1. Двата тима добија по еден црвен картон во првото полувреме, а единствениот погодок беше постигнат во вториот дел, дело на Рајан во 53. минута.
Брајтон рутински ја одработе задачата против веќе испаднатиот Вулверхемптон славејќи со 3-0 со погодоците на Хиншелвуд, Данк и Минте.
Во третиот меч од денешната попладневна програма Манчестер јунајтед ремизираше 0-0 на гостувањето против Сандерленд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
