Швајцарскиот тенисер Роџер Федерер се пласираше во осминафиналето на последниот грен-слем во сезоната УС опен, откако во 3. коло за само 1 час и 20 минути со максимални 3-0 (6-2, 6-2 и 6-1) го совлада британскиот тенисер Даниел Еванс.
Швајцарецот во текот на целиот меч доминираше и во ниту еден момент не му дозволи на Еванс да се надева дека може да направи големо изненадување.
Во осминафиналето популарниот Федекс го чека подобриот од мечот меѓу Шпанецот Карено Буста и Белгиецот Давид Гофан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
