Еден од најдобрите тенисери на сите времиња, Швајцарецот Роџер Федерер се потсети на почетоците на кариерата кои ги направил во неговиот роден Базел.
„Првите сеќавања ми се од времето кога игравме со дрвени рекети во тенискиот клуб кој и понатаму постои. Се сеќавам и на белите топчиња. Не знам колку тенисери од оваа генерација може да кажат дека се игра со бели топчиња. Тренирав по два часа и собирав сликички од тенисерите, трофеите и турнирите. Одев со трамвај на тренинзи, а ако беше ладно родителите ме носеа со автомобил. Се е нереално. Цел ми беше да бидам во топ 100 и ако имам среќа да играм на централните терени на големите турнири“, изјави Федерер.
Тој во моментов се наоѓа во Базел каде што се одржува турнирот од АТП 500 серијата. Досега во кариерата турнирот во родниот град Федерер го освојуваше девет пати.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
