Документарот „Последниот танц“ во кој се раскажува за златната генерација на Чикаго булс предводена од Мајкл Џордан предизвика бура реакции во американската јавност. Незадоволен од начинот на кој е опишан во документарецот е и Скоти Пипен.
По се што се случува во филмот се огласи и Крег Хоџис, кој со Чикаго, стигна до две шампионски титули и играше со Џордан и Пипен. Денес 59-годишниот Крег тврди дека Џордан не би освоил ниту еден прстен доколку не бил Пипен. Затоа не може да премолчи на неправдата и начинот на кој Скоти е опишан во филмот.
„Навистина ми е криво, затоа што знам како добар човек е Скоти. Не бев дел од екипата во тие моменти кога не сакал да настапи. Но, Скоти е брат, тој би дал се за вас и за тимот“ – вели Хоџис и дополнува:
„Не ми се допаѓа како го претставиле и не разбирам зошто е тоа така. Без Скоти, Мајл Џордан никогаш не би освоил прстен. Не е во ред да го омаловажиш така својот брат, посебно не бројот 33 – Пипен“.
Пипен се уште не дал ниту една изјава околу документарецот, но негови блиски нагласуваат дека е повреден и разочаран од неговото претставување во „Последниот танц“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
