Со извонредна последна четвртина, актуелниот НБА шампион, Торонто дојде до победа од 104-99 во вториот натпревар од првото коло во плеј-офот против Бруклин и поведе со 2-0. Последниот сегмент, Торонто го одби со 30-19 и успеа да го сврти резултатот во своја полза откако претходно Бруклин имаше предност во сите три четвртини. „Нетс“ водеа на полувремето со три поени, до крајот од третиот период зголемија на плус шест.
Фред Ванвлит и Норман Пауел со по 24 поени беше најефикасни во победата на Торонто, Кајл Лаури постигна 21, а Паскал Сиакам 19 поени. Герет Темпл со 21 поен беше прв стрелец во составот на Бруклин.
Следниот натпревар од оваа серија е закажан за в понеделник. Победникот од овој дуел од првото коло во следната фаза од плеј-офот ќе се соочи со подобриот од серијата меѓу Бостон и Филаделфија во која „селтикс“ водат со 1-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
