ЛА Лејкерс израмнија на 1-1 во четвртфиналната серија на Западот против Портланд Треилблејзерс откако во вториот натпревар беа убедливи со 111-88. Ентони Дејвис со 31 поен и 11 скока беше прво име во победничкиот табор, додека Калдвел Поуп уфрли 16, а Леброн Џејмс 10 поени. Кај Портланд Демијан Лилард уфрли 18 поени.
И првиот тим на истокот, Милвоки Бакс успеа да израмни на 1-1, откако го совлада Орландо со 111-96. Јанис со 28 поени беше најдобар поединец кај Бакс, додека Брук Лопез мечот го заврши со 20 поени. Кај Орландо единствен на нивото од првиот меч беше Никола Вучевиќ кој со 32 поени беше најефикасен на мечот.
Хјустон Рокетс стигна до водство од 2-0 против Оклахома Сити Тандер. Рокетс и без услугите на Расел Вестбрук е најблиску до втората рунда на западот. Џејмс Харден со 21 поен повторно беше прво име кај Рокетс, додека кај Оклахома Гилџ Александер го заврши мечот со 31 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
