Русија загуби уште една меѓународна битка откако Арбитражниот спортски суд во Лозана ја потврди казната на УЕФА, со која европската куќа на фудбалот ги исклучи сите клубови и руски репрезентации од своите натпреварувања.
Русите во приложената жалба наведоа дека исклучувањето е политички мотивирано и се коси со начелото за ферплеј во спортот, но Арбитражниот суд сепак засната на страната на УЕФА.
„Одлуката за санкции, врз однова на која е поднесена жалба, останува на сила за сите руски тимови и клубови и тие остануваат суспендирани од настапите во сите натпреварувања на УЕФА“, објави Арбитражниот спортски суд во Лозана.
Од овој суд најавија дека во најскоро време ќе донесат одлука и за жалбата на Русија против ФИФА и исклучувањето на „зборнаја“ од баражот за пласман на СП 2022. Сепак, со оглед на денешната одлука во корист на УЕФА, за очекување е слична пресуда и во случајот „Русија против ФИФА“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
