Томче Стојановски ја продолжи соработката со Бутел Скопје за наредните две сезони и ќе остане до 2024 година.
Ракометарот веќе пет сезони игра за тимот од Скопје, а со новиот потпис останува верен и ќе продолжи да игра во добро познатата средина.
„Задоволен сум од најуспешната сезона во клупската историја, па не беше тешко да се решам за продолжување на соработката. Амбициите остануваат високи и за наредната сезона. Иако конкуренцијата во Суперлигата ќе биде уште посилнна, сепак ќе се обидеме да го повториме најмалку успехот од оваа сезона“, изјави Стојановски.
Претходно РК Бутел ги продолжи договорите со пивотмените Стефан Стојчевиќ и Владимир Јевтиќ, како и тренерот Кристијан Грчевски, а нови ракометари се средниот бек Стефан Крстевски и десниот бек Филип Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
