Левиот бек Мартин Манасков е нов ракометар на Бутел Скопје.
Тој денеска потпиша договор со клубот на една сезона, со можност да биде продолжен за уште една. Тој доаѓа од тимот на Охрид каде ги мина последните две сезони.
„Среќен сум што потпишав за Бутел Скопје, тоа е клуб со високи амбиции и лесно беше да одлучам. Со повеќето играчи имам играно и добро се познавам, се надевам дека ќе ги исполнам очекувањата на клубот и дека ќе имаме успешна сезона“, вели Манасков.
Претходно клубот од спортската населба ги продолжи договорите со Стефан Стојчевиќ, Владимир Јевтиќ и Томче Стојановски, како и со тренерот Кристијан Грчевски, а покрај Манасков, нови ракометари се средниот бек Стефан Крстевски и десниот бек Филип Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
