Ракометарите на Скопје стигнаа до првата победа во Суперлигата откако славеа над екипата на Јуниор Кисела вода со 28-26. Домаќините ја има контролата на мечот, но гостите не се предадоа па приредија интересн финиш.
По изедначената игра во воведот на првото полувреме домаќините со серија од 5-1 стигнаа до предност од 9-4, а истата ја задржаа и до крајот на првото полувреме (15-11) и покрај тоа што во еден момент гостите намалија на негатива од три гола.
Домаќините ја задржаа комотната преднсот и во поголемиот дел од второто полувреме, но гостите не се предадоа. Напротив, одиграа одлично во финишот на мечот и во последната минута влегоа со негатива од 28-26, но голманот Радовановиќ одбрани кога беше најпотребно и не доволи луда завршница.
Жарко Барјактаревиќ со шест и Леонид Киселовски со пет гола беа лидери на Скопје, додека со пет гола Дарио Симоноски беше лидер на Јуниор Кисела Вода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
