Женската ракометна репрезентација на Македонија денеска против б- тимот на Норвешка ќе го одигра и вториот контролен натпревар во склоп на ЕХФ неделата.
Во четвртокот овие две репрезентации ја одиграа првата контрола која беше од затворен тип, а нашата репрезентација загуби со минимални 26-27.
Селекторот, Љубомир Савевски вели дека овој меч е одлична шанса да се види до каде е нашата репрезентација на нешто повеќе од еден месец до почетокот на Европското првенство на кое сме едни од домаќините.
„Натпреварот против Норвешка е одлична шанса да видиме за тоа до каде сме на некој еден месец до стартот на Европското првенство. Нормално како што кажав и претходно наша цел на шампионатот е да одиграме најдобро што можеме и да се обидеме да земеме „скалп“ барем на еден од фаворитите. Овој меч против Норвешка е одлична шанса за некое воигрување, но и да видиме со што точно располагаме пред шампионатот“, изјави Савевски.
Натпреварот кој ќе се игра во СЦ „Борис Трајковски“ во Скопје е закажан за 16 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
