Македонскиот интернационалец, Марио Крстовски се запиша во листата на стрелците за Домжале на дуелот против Марибор во најсилната лига на Словенија.
25-годишниот Крстовски донесе водство за Домжале во 11. минута, во мечот во кој Марибор, сепак, до крајот преку головите на Лорбер и Судани стигна до победа од 2-1.
За Крстовски ова беше втор гол сезонава во дресот на Домжале, кој во моментов со 11 бода е на 8. место во словенечкиот шампионат. Крстовски е поранешен фудбалер на Хоризонт Турново, Академија Пандев и Работнички кој пред доаѓањето во Домжале, настапуваше во шампионатот на БиХ.
- Погодокот на Марио Крстовски може да го погледнете на временскиот исечок – 0:35…<
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
