Македонскиот репрезентативен голман Столе Димитриевски онака како што вети, ја сочува мрежата на Рајо Ваљекано на гостувањето против големиот Реал Мадрид за реми без голови со „кралевите“ во 12. коло од Ла Лига.
Столе беше извонреден на голот на Рајо не дозволувајќи и покрај огромната доминација на домашните да дојдат до посакуваниот погодок, како потврда на своите квалитети кои и тоа како се веќе познати на Пиринејскиот полуостров и во Европа.
Димитриевски уште во првото полувреме одбрани два зицери на домашните, не дозволувајќи погодок на големиот фаворит во својата мрежа уште во раната фаза од натпреварот.
Уште на самиот старт Реал имаше шанса да поведе кога во 6. минута Федерико Валверде искористи една грешка на одбраната на Рајо и излезе „еден на еден“ со Димитриевски, меѓутоа македонскиот чувар на мрежата со извонредна интервенција спречи погодок.
Ha definido mal Valverde, pero es un paradon de Dimitrievski.
Espero que hoy no sea Casillas Prime. pic.twitter.com/Vktu1Z2uak
— 𝐒𝐚𝐦𝐮 (@SamuuRM) November 5, 2023
Во 39. минута и Жоселу од непосредна близина имаше 100% шанса, но Димитриевски со неверојатна интервенција спречи гол за „кралевите“.
Great work on the wing from Vinicius Jr but the shot by Joselu is stopped by another fantastic save from Stole Dimitrievski. 🧤🇲🇰pic.twitter.com/iK5pHtR3sl
— LaLigaExtra (@LaLigaExtra) November 5, 2023
Во второто полувреме во континуитет се редеа нападите на Реал Мадрид. Не беа создадени некои изразито 100% шанси, но Димитриевски и тоа како покажа максимална сигурност на голот внесувајќи мир во одбраната на гостите која до крајот успеа да ја зачува својата мрежа за посакувано реми без голови против „кралевите“.
Реал Мадрид, по овој кикс, сега ја препушти водечката позиција во Ла Лига само на Џирона која е со 31 бод на врвот, а „кралскиот клуб“ со 29 бода е на втората позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА