Вардар и Шкендија секако го играат најинтересниот натпревар од денешното 24. коло во Првата македонска фудбалска лига, па без разлика и на фактот кој говори дека едните се борат за опстанок а другите за шампионската титула во првенството.
Огромен е предизвикот за „вардарци“ во пресметката со тетовци од повеќе аспекти. Јасно е дека бодовите се повеќе од неопходни, но и тоа како е неопходно и „билдање“ на психолошкиот импулс, токму преку дуелите со вакви противници, за битката која ќе ја води најтрофејниот македонски клуб до крајот на сезоната.
„За Вардар сезонава секој натпревар е повеќе од предизвик, без разлика на противникот од спротивната страна. Дуелот со Шкендија носи еден поинаков фудбалски шмек и јасно е дека мотивот за вистинско спортско надигрување е повеќе од присутен“ – вели шефот на стручниот штаб на Вардар, Горазд Михајлов.
Но, бодовите се повеќе од потребни и за Шкендија која се уште верува во приклучок во трката за шампионската круна.
„Ние на секој натпревар одиме на победа. Така ќе биде и денеска во Скопје. Со еден добар пристап верувам дека ќе ги освоиме трите бода“ – вели еден од најдобрите фудбалери на Шкендија, Аденис Шаља.
ПРВА ЛИГА – 24. КОЛО (денеска, 15 ч.)
Кратово: СИЛЕКС – АП БРЕРА
Скопје: ВАРДАР – ШКЕНДИЈА
Штип: БРЕГАЛНИЦА – ГОСТИВАР
Скопје: МАКЕДОНИЈА ЃП – ТИКВЕШ
Охрид: ВОСКА СПОРТ – ШКУПИ
УТРЕ (15 ч.)
Скопје: РАБОТНИЧКИ – СТРУГА ТЛ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
