Очигледно гостинско коло во Првата македонска фудбалска лига, во кое гостите – Шкупи, Гостивар, Пелистер и Вардар, триумфираа на четири натпревари, дуелот во Скопје меѓу Работнички и АП Брера заврши без победник, а домашна победа и тоа убедлива од 5-1 запиша само Шкендија против Воска Спорт.
Шкупи триумфираше со 0-3 на гостувањето против Струга ТЛ во дербито на 6. коло од ПМФЛ благодарение на неверојатниот Тамба Фабрис кој запиша хет-трик.
Чаирчани дојдоа до предност уште во 5. минута од средбата со голот на Тамба.
Гостивар, пак, го шокираше Силекс во Кратово и победи со 1-2. Одличен погодок постигна Огузхан во 15. минута за водство на гостиварци.
Во второто полувреме, Зука директно од слободен удар во 55. минута запиша одличен гол за 0-2, а домашните преку најдобриот стрелец Марко Ѓорѓиевски во 87.минута само го ублажија поразот.
Работнички и АП Брера го изненади Работнички на натпреварот на „Тодор Проески“ во Скопје. Гостите од Струмица, под водство на Горазд Михаилов, водеа со 0-1 по првото полувреме.
Убав погодок постигна Ристовски во 26. минута од средбата.
Но, откако гостинскиот тим остана оправдано со играч помалку, Белица во 73. минута постигна гол за конечни 1-1.
Пелистер на дуелот во Гостивар славеше со 2-3 против Беса. Битолчани поведоа со 0-2 во првото полувреме благодарение на два феноменалниот погодоци.
Најпрво Керим уште во 9. минута мајсторски изведе слободен удар откосо од десната страна од околу 20 метри, лобувајќи го домашниот голман…
Во 27. минута вистинска „бомба“ од 25 метри испрати и капитенот Мирко Ивановски кој го донесе својот тим до предност и од 0-2.
Во второто полувреме уште три гола на мечот за конечни 2-3. Катаниќ стрелаше за Пелистер, а Селмани за тимот на Беса.
Шкендија оправдувајќи ја фаворитската улога тотално ја „торпедираше“ Воска Спорт победувајќи со 5-1. Стрелци на головите за тетовци беа Адеми, Бесарт Ибраими во два наврати, Крстевски и Адили, а Јахја беше стрелец на почесниот гол за охриѓани.
Во Кавадарци Вардар дојде до повеќе од значајна победа над Тиквеш од 0-1 и тоа благодарение на мајсторскиот гол на Закариќ во 71. минута од средбата.
РЕЗУЛТАТИ – 6. КОЛО
Скопје: РАБОТНИЧКИ – АП БРЕРА 1-1
Белица 73′ – Ристовски 26′
Гостивар: БЕСА – ПЕЛИСТЕР 2-3
Селмани 58′, 89′ – Керим 9′, Ивановски 27′, Катаниќ 76′
Тетово: ШКЕНДИЈА – ВОСКА СПОРТ 5-1
Адеми 19′, Ибраими 30′, 60′, Крстевски 34′, Адили 45’+1 – Јахја 56′
Кавадарци: ТИКВЕШ – ВАРДАР 0-1
Закариќ 71′
Кратово: СИЛЕКС – ГОСТИВАР 1-2
Ѓорѓиевски 87′ – Огузхан 15′, Зука 55′
Струга: СТРУГА ТЛ – ШКУПИ 0-3
Фабрис Тамба 5′, 71′, 89′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
