Фудбалерите на Јувентус ја запишаа и втората победа, овој пат над мароканскиот Видад со 4-1 во второто коло од Групата Г на Светското клупско првенство.
„Старата дама“ на стартот беше убедлива против Ал-Аин победувајќи со 5-0, додека Манчестер Сити (2-0) беше пресилен за Видад.
Денеска, Јувентус победата ја најави уште во првото полувреме со автоголот на Боутуил уште во 6. минута, а Јилдиз во 16. минута зголеми на 2-0.
Откако Јорч намали на 2-1, Јилдиз со својот втор гол, а на асистенција на Коло Муани, во 69. минута зголеми на 3-1.
Конечните 4-1 ги постави српскиот репрезентативец Душан Влаховиќ со голот во 94. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
