Ламине Јамал уште со 17 години постојано е во фокусот на светското внимание, и тоа не баш само по фудбалот. Младиот ас на Барселона повторно е во центарот на вниманието, но овој пат и поради контроверзиите од неговиот приватен живот, поточно, неговата девојка, пејачката Ники Никол.
За време на пренос во живо на социјалните мрежи, популарната аргентинска пејачка се соочи со директно прашање: Дали е бремена?
Веста веднаш се прошири на социјалните мрежи, но Ники цврсто ги негираше гласините, изгледајќи искрено изненадена.
„Не, не, не, не сега“, одговори таа, со насмевка што ја придружуваше мала непријатност. Сепак, таа не криеше дека размислува за мајчинство во иднина: „Секако, би сакала еден ден да станам мајка“.
Потсетете се, Јамал и Ники Никол неодамна прославија еден месец откако ја објавија својата врска, па прашањето за бременоста дојде како гром од ведро небо.
👶⚽Nicki Nicole, pareja del futbolista Lamine Yamal, rompe el silencio sobre los rumores de embarazo: “Me gustaría ser madre en el futuro”.
La cantante argentina respondió entre risas que, por el momento, no está embarazada pic.twitter.com/TCjavmev85
— EL ESPAÑOL (@elespanolcom) October 25, 2025
Но, тоа не е единствената причина зошто Јамал е под лупата на шпанската јавност во последните денови. Напаѓачот на Барселона предизвика бура и поради изјавите што ги даде по Ел Класико.
Кога беше прашан за Реал Мадрид, Ламине одговори без премногу размислување: „Си подкраднуваат, а постојано се жалат“, кажувајќи го тоа со смеа.
Овие зборови, сепак, не им беа смешни во главниот град на Шпанија. Напротив, тие предизвикаа силни реакции, особено затоа што „случајот Енрике Негреира“ е сè уште предмет на истрага и чувствителна тема во шпанскиот фудбал.
На теренот, Јамал продолжува да покажува зошто многумина го сметаат за еден од најталентираните млади играчи во светот. Во сезоната 2025/26, тој одигра осум натпревари за Барселона, постигнувајќи три гола и регистрирајќи пет асистенции.
И додека неговата кариера е по нагорна траекторија, јасно е дека во наредниот период Јамал ќе мора да се справи со притисокот што доаѓа со славата и на теренот и надвор од него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
