Шокантна вест доаѓа од Еквадор. Поранешниот репрезентативец на оваа земја Марио Пинеида, беше брутално убиен во градот Гвајакил, а покрај него почина и непознато женски лице.
Иако се претпоставуваше дека е неговата сопруга, сепак, на крајот беше утврдено дека Пинеида во моментот на инцидентот стоел до непозната жена и неговата мајка, која била повредена во нападот.
Сцените кои доаѓаат од Гвајакил се навистина застрашувачки, а неговиот тим Барселона ја потврди ненадејната смрт на својот фудбалер.
„Барселона со длабоко жалење ја информира јавноста дека нашиот играч Марио Пинеида е убиен во нападот. Оваа ужасна вест длабоко нè вознемири сите нас кои сме дел од овој тим“, се вели во краткото соопштение на Барселона.
Полицијата започна истрага за убиствата, но засега нема информации за тоа кој би можел да биде сторителот ниту кој е мотивот.
Así fue como crim¡nalística procedió al levantamiento del cuerpo del jugador de Barcelona Sporting Club Mario Pineida, ases¡nad0 en Guayaquil#mariopineida #Guayaquil #BarcelonaSC pic.twitter.com/aMUV5IZmnQ
— JVD-Tv Online (@JVD_ONLINE77) December 18, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
