Европската фудбалска Асоцијација (УЕФА) ги одреди официјалните лица за плејоф натпреварот меѓу Данска и Македонија кој ќе се одигра на 26 март во Копенхаген, во баражот за пласман на Светското првенство 2026 во САД, Канада и Мексико.
Главен судија на натпреварот на стадионот „Паркен“ ќе биде Германецот Феликс Цвајер, а негови асистенти ќе бидат Роберт Кемптер и Кристијан Диц, исто така од Германија. Функцијата четврти судија ќе ја извршува Даниел Шлагер.
За видео асистенција (ВАР) задолжени се Бастијан Данкерт како главен ВАР судија и Саша Штегеман како АВАР. Судиски контролор на средбата е Вилијам Јанг од Шкотска, додека делегат на натпреварот е Жоао Мораиш од Португалија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
