Циркус во Атина: Јанакопулос наредил на полувреме да се тргне постерот со Бодирога од салата

  • Екипа
  • 07.03.2026 / 09:49
  • СПОДЕЛИ:

Ликот на Дејан Бодирога, кој своевремено играше за Панатинаикос, го нема повеќе во салата во „ОАКА“ во Атина, на барање на првиот човек на клубот, Димитрис Јанакопулос. Наводно тој наредил да се тргне постерот од салата, која го красеше како освојувач на Евролигата со овој тим во 2002 година.

Ова Јанакопулос го стори поради незадоволството од судењето и од челниците на Евролигата.

Под кровот на „ОАКА“ има фотографии од сите седум европски титули на клубот.

Не е прв пат семејството Јанакопулос да се одлучи за ваков радикален потег. За време на владеењето на браќата Танасис и Павлос Џанакопулос, знамето од 1996 година беше променето, бидејќи некогаш трофејниот тренер на Панатинаикос, Панајотис Јанакис, кој беше на него, стана стратег на Олимпијакос.

Јанакопулос во неколку наврати го истакнуваше судењето во Евролигата како срамно. Тој дури испрати порака по поразот од Олимпијакос со „Срам да ти е“. Ова се претпоставува дека се однесува за Бодирога, кој сега е прв човек на Евролигата.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...