Нант официјално го објави назначувањето на Вахид Халилхоџиќ за тренер на тимот по отпуштањето на неговиот претходник Ахмед Кантари.
Така, 73-годишниот тренер, чиј договор е само до крајот на сезоната, стана најстариот тренер во историјата на Лига 1. Босанецот ги познава „Канаринците“ многу добро, бидејќи прво беше нивен напаѓач помеѓу 1981 и 1986 година, а потоа го водеше тимот во сезоната 2018/19.
Искусниот тренер беше и на чело и на Вележ, Бове, Раџа Казабланка, Лил , Рен , ПСЖ, Трабзонспор (двапати), Ал-Итихад, Брегот на Слоновата Коска, Динамо Загреб, Алжир, Јапонија и Мароко, од каде што замина во летото 2022 година.
Нант моментално е на претпоследното 17-то место во Лига 1 со 17 бода по четири победи, пет нерешени натпревари и 16 порази. Тимот е само на два бода од 16-тата позиција, која носи плејоф за место во елитата, како и седум од спасувачкото 15-то место.
Второто деби на Халилхоџиќ ќе биде дома против Стразбур на 22 март, бидејќи гостувањето против ПСЖ беше одложено.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
