Барселона ремизираше (1-1) во првиот натпревар од осминафиналето во ЛШ против Њукасл.
Но, ден по тој меч, Ламине Јамал е во центарот на вниманието на навивачите на Барселона бидејќи не се појави на денешниот тренинг на каталонскиот клуб, што предизвика голема загриженост.
Пред почетокот на тренингот, беше јасно дека Јамал не е со остатокот од тимот и дека тој е единствениот што не дошол во тренинг центарот кога требало, а потоа почнаа да кружат шпекулации дека младата ѕвезда на Барселона е повредена.
Секако, ова предизвика голема загриженост кај навивачите на Барселона, но набрзо беше објаснето што се случува.
Јамал не се појави на тренингот на Барселона бидејќи Ханси Флик одлучи да му даде малку подолг одмор по враќањето од Англија, со оглед на минутите што ги одигра овој тинејџер во претходните недели.
Германскиот стручњак не ги штеди често своите играчи, но реши да го направи тоа со Јамал за да го олесни што е можно повеќе и да му даде можност за дополнителен одмор во најважниот дел од сезоната.
Шпанските медиуми објавуваат дека Јамал одиграл многу натпревари во последно време, и дека пости во текот на месецот Рамазан и дека дополнителниот одмор што му го даде Флик сигурно ќе му биде од корист.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
