Многумина никогаш не слушнале за Дин Џејмс, но ете тој фудбалерот кој би можел да предизвика вистински хаос во холандската најсилналига.
Фудбалерот кој игра за „Го Ахед Иглс“, но ја претставува Индонезија на меѓународно ниво, неговата одлука да ја претставува оваа земја би можела да има домино ефект врз холандската лига, бидејќи можеби играл како играч без право за настап.
Сè кулминираше откако НАЦ Бреда загуби од Го Ахед Иглс на 15 март. Веднаш по тој натпревар, холандски подкаст откри информации што ги збунија апсолутно сите во просторијата.
Роџер Џејкобс тврдеше дека НАЦ Бреда би можела да го добие овој натпревар на зелена маса бидејќи Џејмс немал право да игра.
„Ако сте холандски играч со индонезиски корени, можете да изберете да играте за Индонезија. Таму добивате пасош, но она што многу играчи и клубови не го знаат е дека во некои случаи ќе мора да се откажете од вашето холандско државјанство. Ако НАЦ дознае за тоа и поднесе тужба, тогаш овој натпревар би можел да заврши како победа за нив“ – беше истакнато.
Па, НАЦ Бреда се жали до лигата за оваа ситуација четири дена по подкастот, и оттогаш ситуацијата доведе до тоа околу 25 играчи да се пријават за „криза“ околу двојното државјанство.
Засегнатите играчи доаѓаат од Индонезија, Суринам и Зелено’ртските острови, кои не биле свесни за овој закон во Холандија.
Во понеделник, се очекува судот во Утрехт да одлучи за случајот меѓу НАЦ Бреда и Го Ахед, и ако судијата пресуди во корист на НАЦ, тогаш би можеле да се преиграат најмалку 133 натпревари.
Претходно Холандската лига го отфрли барањето на клубот за преиграње на натпреварот, бидејќи ниту Џејмс ниту Го Ахед не биле свесни дека тој нема соодветна дозвола.
Сепак, адвокатите велат дека се убедени дека Бреда има добри шанси да ја поништи пресудата на КНВБ по жалбата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
