Американскиот плејмејкер Трент Форест е нов играч на Фенербахче. Тоа е и првото засилување на тимот на Шарунас Јасикевичиус за следната сезона.
Договорот на Трент со Басконија истече, а Фенер беше најбрз и најконкретен во неговото привлекување во своите редови, каде што ќе биде во друштво на сонародникот Хортон-Такер, кој ја продолжи соработката со турскиот клуб за уште една година.
Фенер претходно потврди дека продолжува и со Николас Мели и со Крис Силва.
Што се однесува до Форест, зад овој човек е одлична сезона која ја украси со трофејот од Купот на Шпанија со Басконија и титулата најкорисен играч во финалето против Реал.
Ја заврши сезоната во најсилното натпреварување со 10,9 поени, 2,8 скока и 4,4 асистенции по натпревар (индекс 14,5 во просек)
Пред да дојде во Европа, играше четири сезони за Универзитетот на Флорида, потоа за Јута и Атланта. Потпиша двегодишен договор со Фенер со опција за продолжување за уште една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
