Како што стојат работите, Јирген Клоп е во се посериозни преговори во врска со преземањето на германската репрезентација.
Ова го објавуваат неколку сериозни медиуми од Германија кои имаат сознанија дека преговорите напредуваат добро, па дури и носат некои детали.
Новинарот на „Скај“, Флоријан Платенберг, напиша дека Клоп ќе добие договор со Германската фудбалска федерација до 2030 година, односно дека ќе го води тимот на Светското првенство во Шпанија, Португалија и Мароко.
Тој забележува дека напуштањето на фудбалската програма на Ред Бул нема да биде проблем.
„Билд“ наведува дека претседателот на Федерацијата, Бернд Нојендорф, отишол во Њујорк со своите соработници за да можат разговорите да се одржат во петок и сабота.
Клоп ќе има поголема плата од Јулијан Нагелсман, таа ќе биде седум милиони евра годишно, а ќе му помагаат долгогодишните соработници Питер Кравиц и Пепин Лајндерс.
„Билд“ додава дека прашањето со Ред Бул ќе се реши така што Клоп ќе остане лице на брендот, па затоа нема да мора да се плаќа никаква компензација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
