Македонските кикбоксери запишаа убав успех во ринг-борбите на Светскиот куп во Италија, завршувајќи ги со шест освоени медали, три златни, една сребрена и две бронзени.
Златни медали освоија Силвио Мировски, Петре Велков и Калин Бабоски. Со сребро се закити Андреј Смилевски, додека бронзени одликувања освоија Мирко Василев и Давид Атанасовски.
„Задоволен сум но не потполно бидејки уште треба да работиме на стабилност за време на борбите на нашите борци, кои стекнуваат искуство и да ги учат да ги забележуваат аномалиите и слабостите на противниците како и во целост да изработат она што го тренирале“ – ни изјави од Италија, претседателот на Кикбокс Маитаи федерацијата на Македонија, Дејан Митровски – Урко.
Денеска почнуваат квалификациите во татами дисциплините кои ќе траат до недела, за кога се закажани финалните натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
