Виктор Ефремовски одигра историски меч откако репрезентативецот со 50 поени го предводеше Работниички до триумф над Маџари.
Сепак, одличниот шутер останува максимално скромен и фокусиран на „широката слика“ – да даде придонес Работнички да излезе од големата криза и да обезбеди опстанок во елитното друштво.
Шанса за нов чекор кон остварување на таа цел „центарци“ имаат на денешниот дуел со екипата на Феникс.
„Атмосферата во тимот е одлична. Со нетрпение ја очекувавме првата утакмица повторно во салата Градски парк-Лазар Лечиќ, бидејќи после пет години конечно се вративме дома. Сите знаеме дека Работнички има посебна врска со оваа сала и дека формата си е дома. Поддршката од навивачите беше одлична и ни даде дополнителна енергија да одиграме добар натпревар против Маџари. Знаеме дека КК Феникс 2010 е квалитетен противник и дека ќе биде тежок меч, но ако одиграме дисциплинирано и со истата енергија како на претходниот натпревар, мислам дека имаме шанси за нов триумф. Секој натпревар е важен и нормално е КК Работнички секогаш да оди на победа. Не би зборувал многу за фаворити – на теренот треба да се докаже. Нашата задача е да одиграме максимално ангажирано и ако го направиме тоа, верувам дека можеме да се вратиме со победа“, порачува Виктор Ефремовски..
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
