Колумбиецот со македонски пасош, Себастијан Херера, кој треба да се најде на списокот на селекторот Гоце Седлоски за престојниот бараж за пласман на СП 2026, е херојот на Борац Бања Лука во шампионатот на БиХ.
Во големата дерби-пресметка, Борац славеше со 0-1 на гостувањето против Железничар на „Грбавица“ во Сараево, благодарение на голот во 90. минута на Себастијан Херера.
На клупата за резервни фудбалери во тимот на Борац беше и репрезентативниот голман Дамјан Шишковски.
Борац Бања Лука со оваа победа дополнително се зацврсти на врвот од табелата пред Зрињски во битката за шампионската титула.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
