Торински Јувентус е без титула во италијанското првенство шест години, па челниците на „црно-белите“ решија да реагираат на пазарот, подготвувајќи неколку врвни засилувања за следната сезона. Голманот на Ливерпул, Алисон Бекер, и Португалецот Бернардо Силва од Манчестер Сити би можеле да се преселат во Торино!!?
Јувентус со години не е конкурент за Скудетото во Италија. „Бјанконерите“ доведуваат засилувања, трошат големи бројки (Душан Влаховиќ 84 милиони), но во Торино немало прослави шест години.
Доаѓањето на Лучиано Спалети како тренер го стабилизираше тимот, кој промени голем број стручњаци во изминатите години. Раководството е задоволно од работата на 67-годишникот и тој ќе ја задржи позицијата и за следната сезона.
Спалети ќе добие и одредени засилувања. Јуве се одлучи за нов голман, и дополнителни засилувања со кои би ја нападнале титулата.
Бразилецот Алисон Бекер е на излезна врата од Ливерпул, а Јуве прави сè за да го доведе во своите редови следната сезона.
Брилијантниот играч за врска Бернардо Силва, исто така, би можел да замине во Италија од Англија. 31-годишникот го напушта Манчестер Сити како слободен агент по девет години, а Јуве веќе му понуди тригодишен договор.
Несомнено е дека ова дуо би било одлично засилување за „Старата Дама“. Постои и можност легендарниот Роберт Левандовски, кој останува без договор во Барселона, да му се придружи на Душан Влаховиќ во нападот на „бјанконерите“. Сепак, Лева е многу поблиску до заминување во САД.
Јуве успеа да се договори за продолжување на соработката со Душан Влаховиќ и тоа за значително помали приходи од оние што ги имаше. Србинот ќе заработува од шест до седум милиони евра годишно и тоа е огромен успех.
Се очекува активно лето за Јуве на пазарот. Планот е да се создаде тим кој повторно ќе ја преземе доминацијата во Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
