Комо уште еднаш покажа зошто важи за најпријатно изненадување во Серија А сезонава откако тимот предводен од Цеск Фабрегас ја забележа и четвртата победа во низа, исклучително важна ако се знае дека се освоени три бода против Рома (2-1), во директен дуел за четвртото место кое води во ЛШ следната сезона.
Римјаните се надеваа дека ќе ја прекинат серијата на домашниот тим, а кога Мален погоди од пенал во 7. минута се чинеше дека гостите се на добар пат да го сторат токму тоа.
На одмор се замина со 0-1, но затоа второто полувреме мина во целосна доминација на домашниот тим кој најпрвин израмни преку Дувикас, а во 79. минута и го сврте резултатот во своја полза со голот на Карлос.
Треба да се истакне и дека Рома последните триесетина минути ги одигра со фудбалер помалку откако Франка заработи црвен картон при резултат 1-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
