Тренерот на Рома, Џан Пјеро Гасперини се наоѓа под се поголем притисок откако неговиот тим беше елиминиран од Лигата на Европа од Болоња, но и поради лошите резултати во Серија „А“.
Според наводите на медиумите во Италија, во петокот бил одржан итен состанок во кој, покрај Гасперини, учествуваа и потпретседателот на клубот Рајан Фридкин, спортскиот директор Фредерик Масара и советникот Клаудио Раниери.
Медиумите објавуваат дека Гасперини не е задоволен од трансфер периодот што го спроведе Масара, додека Раниери со месеци се обидува да посредува меѓу тренерот и спортскиот директор.
Рома, и покрај добриот почеток на сезоната, забележа вкупно 14 порази во сите натпреварувања, тимот беше елиминиран од Лигата на Европа, а во Серија А моментално го зазема шестото место на табелата, три бода зад четвртопласираната Кома.
Извори блиски до клубот наведуваат дека промените се сигурни пред сезоната 2026/27 и дека се очекува еден од тројцата клучни луѓе – Гасперини, Масара или Раниери – да си замине.
Во меѓувреме, приоритет останува пласманот во Лигата на шампионите, што е од големо значење за финансиската стабилност на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
