Раководството на Реал Мадрид не губи време и веќе подготвува нов договор за својот најдобар напаѓач, Винисиус Жуниор, пренесува шпанскиот весник „Марка“. Иако актуелниот договор на Бразилецот е со важност до летото 2027 година, „кралевите“ сакаат дополнително да ја осигураат иднината на својата ѕвезда.
Преговорите со 25-годишниот фудбалер и неговиот агент се очекува да започнат наскоро. Винисиус, чија пазарна вредност во моментов се проценува на 150 милиони евра, пристигна во Мадрид во 2018 година и оттогаш стана еден од клучните столбови на тимот.
Бразилецот игра во врвна форма, што го потврдува и неговиот учинок оваа сезона на 47 одиграни натпревари тој постигна 17 голови и запиша 14 асистенции. Со новиот договор, Реал Мадрид планира да ги одбие сите потенцијални интереси од другите европски гиганти и да го задржи напаѓачот на „Сантијаго Бернабеу“ на долг рок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
