Напаѓачот Ромелу Лукаку се очекува во понеделник да се врати во Неапол, и да се приклучи на својот тим Наполи на работата.
За потсетување, во март, 32-годишниот напаѓач го напушти кампот на белгиската репрезентација , одлучувајќи да се фокусира на подобрување на својата физичка подготвеност. Тој тренираше со личен тренер во Белгија, но оваа одлука не беше договорена со клубот.
Ставот на Наполи беше дека Лукаку мора да се врати во тимот до 31 март или ќе биде исклучен од составот. Ромелу не се појави на тренинг на закажаниот ден, а клубот најави дека ќе биде преземена дисциплинска мерка.
Според „Кориере дело Спорт“, се очекува Лукаку да се врати на тренинзите со Наполи во понеделник пред последните пет натпревари од Серија А во сезоната. Белгиецот го информирал клубот за својата одлука преку својот агент.
Лукаку нема играно за Наполи од 20 март. Тимот ќе го казни 32-годишниот играч за неовластено отсуство од тренинзите. Можно е да биде суспендиран и да не игра на следните неколку меча. Белгиецот одигра само 64 минути во седум мела оваа сезона, откако претрпе тешка повреда пред почетокот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
