Фудбалерот на Ливерпул, Мохамед Салах, ја заврши сезоната поради повреда на тетивата, потврди директорот на египетската репрезентација, Ибрахим Хасан.
Салах се повреди вчера на натпреварот од 34. коло од англиската Премиерлига против Кристал Палас (3-1).
Египетскиот фудбалер беше заменет во 60. минута.
Светските медиуми објавија дека Салах го одиграл својот последен натпревар за Ливерпул вчера откако излезе од игра поради повреда, бидејќи египетскиот фудбалер претходно објави дека ќе го напушти англискиот клуб на крајот од сезоната.
Thank Goodness Salah Isn’t Coming To Old Trafford
But This Is A Sad Way To Bow Out For Liverpool
May He Get Well Soonpic.twitter.com/NlCCOSkwIU
— Nashe 🇾🇪🏴☠️🟣 Carling Double Trouble 🏆🏆 (@TmCiteilife) April 25, 2026
Хасан за Ројтерс изјави дека Салах ќе биде надвор од теренот четири недели поради скината тетива.
„Салах има скината тетива и ќе му биде потребен третман, кој ќе трае четири недели“, рече Хасан.
Фудбалерите на Ливерпул ќе имаат натпревари против Манчестер Јунајтед, Челси, Астон Вила и Брентфорд во Премиерлигата до крајот на сезоната.
Хасан изјави дека Салах ќе биде подготвен за Светското првенство, кое ќе се одржи од 11 јуни до 19 јули оваа година во Мексико, САД и Канада, но и дефинитивно заврши со Ливерпул.
На Светското првенство, Египет ќе игра во групата Г против Белгија, Нов Зеланд и Иран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
