Глазгов Ренџерс се здоби со огромен удар врз шампионските амбиции откако тимот на нашиот Бојан Миовски загуби клучен меч на домашен терен од Мадервел со 2-3.
Миовски по подолго време беше стартер, но Македонецот се вклопи во сивилото на својот тим во првото полувреме во кое Мадервел имаше водство од 0-2. Тренерот Рол реши да го поввлече нашиот голгетер од игра на паузата меѓу двете полувремиња, Глазгов Ренџерс успеа да се врати и да израмни на 2-2, но во самиот финиш, додека домаќините се обидуваа да постигнат и трет гол, Мадервел погоди од контра и замина со цел плен од „Ајброкс“.
Денешниот пораз значеше и пад на третото место на табелата, зад водечките Хартс и Селтик, што сериозно ја компликува ситуацијата за тимот на Миовски во трката за титулата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
