Спектаклот меѓу Пари Сен Жермен и Баерн е сè уште главна тема на фудбалска Европа. Tренерот на баварскиот тим исто така даде свое мислење. Винсент Компани понуди објаснување кое значително се разликува од оние кои ја критикуваа одбраната.
Девет гола, постојани промени на ритамот и отворена игра на двете страни го направија овој дуел вистинска прослава на фудбалот.
Сепак, не сите беа воодушевени од напаѓачкиот сегмент од играта. Дел од јавноста верува дека таков број голови е последица на слабата одбрана на двете страни, но Компани цврсто ги отфрла ваквите проценки.
Белгискиот стручњак верува дека зад сè се крие нешто сосема друго.
„Не мислам дека постои стил на игра кој е супериорен во однос на друг. Во англиското првенство, каде што работев, имате игра со многу дуели и долги топки, во Италија имате катанаџо, во Шпанија играте на посед на топката… Во секој случај, овој дуел беше дуел меѓу два тима кои играат со сличен стил на игра“, рече Компани.
Неговата анализа оди подлабоко од површината на резултатите. Наместо да зборува за грешките во одбраната, Компани посочува на менталитетот на двата тима.
„Во фудбалот стана вообичаено еден тим да го прифати квалитетот на друг и да му ја препушти иницијативата нему и да се повлече. Ние го немавме тоа во овој натпревар, не прифативме дека ПСЖ е подобар од нас, а тие не прифатија дека ние сме подобри од нив“, додаде тренерот на Баерн.
Токму оваа рамнотежа во пристапот доведе до отворена игра без калкулации. И двата тима играа храбро, без страв и без тактиките што често ги карактеризираат овие фази од натпреварувањето.
Резултатот беше средба што ќе се памети долго време. Овој натпревар донесе и историско значење, бидејќи стана најефикасниот натпревар во полуфиналето на Лигата на шампионите.
Првиот дел од натпреварот беше особено импресивен, во кој беа постигнати дури пет гола. Таков ритам на играта ретко се гледа дури и во претходните фази од натпреварувањето, а камоли во битката за финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
