Реванш натпреварите од полуфиналето во Купот на Македонија, ќе ги дадат екипите кои ќе се борат за големиот трофеј. Дали ќе се види очекуваното финале помеѓу Силекс и Шкендија Тетово, или, пак, некој од второлигашите ќе направи изненадување?
Тетовска Шкендија, шампионот во Првата лига игра против Шкендија Арачиново, и ќе ја брани минималната предност стекната на мечот во Тетово. Дуелот се игра во Куманово, а тетовскиот тим важи за голем фаворит за пласман во финалето. За изненадување, арачиновци ќе мора да најдат начин да дојдат до победа.
Во вториот натпревар Силекс и Охрид влегуваат „од почеток“. Првиот натпревар во Охрид заврши без победник 1-1. Силекс треба да ја оправда фаворитската улога и да дојде до победа, за пласман во големото финале. Токму во Купот, Силекс гледа како единствена шанса за трофеј сезонава, откако остана без можност да ја освои титулата во ПМФЛ, и ќе го заврши првенството на четвртата позиција.
КУП НА МАКЕДОНИЈА, ПОЛУФИНАЛЕ (РЕВАНШИ)
Куманово: ШКЕНДИЈА А. – ШКЕНДИЈА Т. (прв натпревар 2-3)
Кратово: СИЛЕКС – ОХРИД (прв натпревар 1-1)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
