Менаџерот на Астон Вила, Унаи Емери, ја критикуваше ВАР-собата по натпреварот со Нотингем Форест.
Нотингем победи со 1-0, со гол на Крис Вуд, во првиот натпревар од полуфиналето на Лигата на Европа.
Емери рече дека судијата Жоао Пинеиро бил добар, но и дека ВАР требало да го информира поради остриот старт на Елиот Андерсон врз Оли Воткинс.
„Судијата беше фантастичен, фантастичен“, рече Емери, додавајќи:
„Но ВАР е навистина, навистина лош. Тоа е чист црвен картон – не разбирам зошто ВАР не го повикува судијата затоа што е толку очигледно. Тоа е многу, многу важно. Тоа е огромна, огромна грешка. ВАР е одговорен.“
Тој смета дека Андерсон заслужувал да биде исклучен.
„Судијата – фантастична работа, 10 од 10. Го ценам начинот на кој го водеше натпреварот 90 минути. Но, го гледав видеото – неверојатно. Огромна грешка. Можеше да си го скрши зглобот. Човече, ВАР – каде си? Ве молам. Тоа е ваша одговорност, ние сме професионалци. Вие работите многу лошо бидејќи тоа беше очигледно за сите. Секогаш ги почитувам судиите, но ВАР, не го разбирам тоа. Не е фер“, рече Емери.
Should Anderson have been sent off here? 🔴❗️ https://t.co/JUDkOJaXnU
— EPL Bible (@EPLBible) April 30, 2026
Ревваншот е закажан за следниот четврток во Бирмингем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
