Фудбалерот на Динамо Загреб, Аријан Адеми во интервју за хрватските медиуми говореше околу неговата иднина во дресот на репрезентацијата на Македонија.
Тој вели дека и покрај тоа што ги пропушти последните неколку собири, тој сака се уште да игра за Македонија…
„Одлучив да продолжам да играм за репрезентацијата. Сакам, можам и ќе го направам тоа. Зборував со селекторот, сака да бидам таму и таму ќе бидам. Тешко ми е да се простам затоа што таму е одлична група на луѓе, играме за својата земја, се пласиравме на последното ЕП, а сакаме тоа да го направиме уште еднаш, иако не сме во лесна група. Свесни сме дека нема да биде едноставно, но веќе ја победивме Германија, исто и Италија и немаме од кого да се плашиме. Знам дека Италијанците ќе бидат посебно мотивирани против нас затоа што ги исфрливме од Мундијалот, но и ние ќе бидеме мотивирани и веруваме дека можеме да оствариме уште една голема победа“, изјави Адеми.
Квалификациите за ЕП 2024 стартуваат во месец март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
