Првиот човек на ВТА Стив Сајмон истакнува дека напорно работи со своите соработници како би можело да продолжи тениската сезона. Тениската сезона беше суспендирана во март поради пандемијата од коронавирусот, а тенисерките на терените би требало да се вратат на почетокот на август.
„Ова дефинитивно не се нормални времиња, но се обидуваме да најдеме решение. И понатаму имаме многу проблеми со карантинот и патувањата и тоа е тоа што ќе не мачи до крајот на сезоната. Мораме да ја искористиме ситуацијава и од неа да научиме, за да знаеме како да се однесуваме во иднина. Треба да продолжиме, но и во исто време да го зачуваме здравјето на сите. Ако чекаме се да дојде на свое, ќе треба да чекаме до 2022 година. А, тоа е многу време“, изјави Сајмон.
Првиот човек на ВТА додаде дека следната седмица ќе се знае дали ќе има шанси да се организираат предвидените турнири во Кина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА