Раул Албиол денеска беше опериран во Лондон, хируршки зафат со кој „наполитанците“ се надеваат дека конечно ќе бидат надминати хроничните проблеми што 33-годишниот дефанзивец ги имаше со болка во левото колено.
„Можеме да потврдиме дека Албиол беше опериран на левото колено. Операцијата беше перфектно успешно изведена“ – потврдија од раководството на Наполи.
Со овој хируршки зафат воедно се овозможува Шпанецот да се врати на терените пред завршувањето на сезонава. Имено, предвидената пауза изнесува меѓу шест и осум седмици, па се очекува Албиол повторно да се најде во тимот на Карло Анчелоти на почетокот од месец април.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
