Италијанскиот првак Јувентус со најсилниот тим ќе игра и вечерва на дуелот против Фросиноне. Во тимот ќе биде и првата ѕвезда, Кристијано Роналдо, откри тренерот Масимилијано Алегри.
„Влегуваме во низа од девет меча и тежок распоред во наредните неколку месеци. Кристијано Роналдо ќе биде стартер против Фросиноне“, изјави Алегри, потврдувајќи дека и Пауло Дибала ќе настапи од самиот старт.
„Бонучи ќе биде дел од одбраната, а Кјелини можеби ќе добие мала поштеда. Барѕалји исто така ќе биде на клупата“, дополни тренерот на Јувентус.
„Старата дама“ в среда го игра и првиот осминафинален натпревар од Лигата на шампионите против Атлетико Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА