Легендата на македонскиот фудбал, Горан Пандев и селекторот на националниот тим, Игор Ангеловски, денеска добија специјални благодарници од Агенцијата за Млади и Спорт за пласманот на „црвено-жолтите“ на ЕВРО 2020.
Директорот на АМС, Наумче Мојсовски, на специјален прием во просториите на агенцијата им ги додели блгодарниците на Пандев и на Ангеловски.
„Денеска во Агенција за млади и спорт имав чест да ми бидат гости две легенди! Капитенот на фудбалската репрезентација Горан Пандев и селекторот Игор Ангеловски… Уште еднаш им честитав на историскиот пласман на европското првенство, но сите настапи низ годините и за големите успеси. EURO2020 е голем успех за македонската репрезентација.
Пандев ни откри дека и покрај големите остварувања во неговата долгогодишна фудбалска кариера, за него настапот на европско првенство со македонската репрезентација е моментот кој го чекал сите овие години. Селекторот Ангеловски ја имаше таа огромна чест да биде прв селектор-предводник на репрезентација која настапува на едно големо натпреварување како што е европското првенство. Нашите репрезентативци докажаа дека сплотеноста на тимот е предуслов за успех.
Од мое лично име и од име на АМС им заблагодарив и им доделив благодарници за досегашните успеси и за сите позитивни емоции кои ги предизвикаа кај сите нас“, објави Мојсовски на официјалната фејсбук страница на АМС.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА