Атлетико Мадрид блесна кога беше најважно, па по серијата слаби игри денеска го декласираше Еибар со 5-0, најавувајќи излез од кризата со која им дозволи на Реал Мадрид и на Барселона да се вратат во игра во трката за титулата.
Триумфот е уште позначаен ако се знае дека Симеоне не можеше да смета на двајцата најдобри напаѓачи, повредените Суарез и Жоао Феликс, но и во нивно отсуство Атлетико успеа да постигне пет погодоци.
Клучни беа последните четири минути од првото полувреме во кое домаќините поведоа со 2-0, со двата гола што ги постигна Кореа. На самиот почеток од вториот дел на 3-0 зголеми Караско, за потоа на сцена да стапи Љоренте, кој со два погодоци стави печат на убедливиот триумф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА