Македонскиот репрезентативец Давид Бабунски пред новиот циклус во Лигата на Нации кажа дека овие натпревари ќе бидат искористени за подобрување на перформансите на селекцијата, како и за потврда на квалитетот.
На Бабунски му е драго што Македонија ја гледаат со фаворитска улога, нешто кое беше незамисливо пред неколку години.
„Нов предизвик, мора да го искористиме за да се развива и да го подобруваме, и да го потврдиме нашиот квалитет. Среќен сум што стигнавме јавноста да не гледа како фаворит во вакви групи, што пред неколку години не беше така. Тоа е поради перфромансите на репрезентацијата, но ние треба да се задржиме да бидеме скромни и да продолжиме да работиме.“, рече Бабунски.
Играчот од средниот ред кажа дека овие натпревари се шанса за сите кои имале помала минутажа, да добијат шанса и да ја искористат.
„Супер, одлична ситуација за оние со помала минутажа да покажат и докажат дека може да играат во репрезентацијата и сите да имаат некоја вредност“, рече Бабунски.
Бабунски кажа дека секогаш кога се игра во репрезентацијата треба да се ужива и да се носи радост на земјата.
„Огромна привилегија е ова да бидеме дел од репрезентацијата. Нашите кариери еден ден ќе завршат и мислам дека треба да уживаме во секој момент и да донесеме радост на нашата земја“, заврши играчот на Дебрецен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
