Дарко Димитријевиќ и во наредната сезона ќе остане на тренерската клупа на Бадел 1862, откако клубот официјално потврди дека е продолжена соработката меѓу двете страни.
Од клубот изразија големо задоволство што ќе продолжат да работат со стратегот, кој зад себе има успешна сезона. И покрај бројните кадровски проблеми и ограничениот играчки ростер, Димитријевиќ успеа да изгради конкурентен тим кој се бореше до самиот крај и обезбеди пласман во финалето на плеј-офот.
На патот до финалето, Бадел 1862 елиминираше и поквалитетни и поискусни ривали, потврдувајќи дека со добра организација, борбен дух и тимска игра може да се постигнат значајни резултати.
Во клубот истакнуваат дека посветеноста, стручноста и односот на Димитријевиќ кон екипата биле клучни причини за продолжување на соработката, изразувајќи уверување дека заедно ќе продолжат да градат успешна приказна.
Во Бадел 1862 веруваат дека новата сезона ќе донесе уште подобри резултати, нови успеси и многу поводи за славје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
